大家身邊有冇朋友半途出家做保險？其實轉行絕對唔係問題，如果呢個人之前建立嘅信譽係好好，做嘢又畀到人信心，咁樣你會更加想同佢買，搵熟人始終好過誤打誤撞。
不過我公司有個舊同事之前轉行做保險，然後係咁約我哋成班人食飯，大家就耍手擰頭喇，原因係佢以前已經好甩轆，試過有求職者虛報工作經驗，佢連reference letter都冇睇過就彈畀客，最終咪收投訴囉！呢樣都算，我覺得有時雙方係互信，多咗經驗就會令眼光準啲，但最慘係佢連自己公司條款都搞唔清楚，明明guarantee period係三個月，佢走去同個客講半年，最後呢啲蘇州屎全部由我哋執，咁你叫班同事點放心同你買保險呀？
不過佢好彩，因為保險業聯會喺2018年12月1日推出咗「預防保險詐騙偵測系統」，運用最先進人工智能科技偵查保險索賠詐騙，特別係涉及重複索賠同有組織嘅騙案，目的都係要妥善保障公眾利益，我呢位舊同事總算有個強大後盾。不過咁樣係未夠㗎，例如呃保險會攤分返個費用呢啲資訊，絕對要清楚向投保人交代，咁至算係盡責嘅保險從業員。
雖然我冇幫佢買，但點都會祝福佢，做邊行都好，最重要係建立自己嘅信譽，當日佢做headhunter幫人搵工，係關乎別人嘅前途，而家做保險就關乎到別人嘅金錢同保障，呢兩樣嘢對每一個人都好重要㗎！
https://www.hkfi.org.hk/ifpcd/
Search